Congressional Commission on Education gina review ang pagpatuman sang junior kag senior high school K to 12 program sa pungsod. 

Nahangpan sang katapo sang Congressional Commission on Education 2 ang mga kabudlayan sang ginikanan sa ginpalawig nga school year sa mga estudyante sang junior kag senior high school sa idalom sang K to 12 program.

Ginpahayag ni 3rd District Rep. Francisco Benitez, Commissioner sang Edcom 2, nga ang mga concerns sa idalom sang programa ang ila na gina review.

Ini agud mapat-ud ang mga kinahanglan pa nga himuon para mapasanyug ang junior kag senior high program.

Ginatun-an sang Edcom2 ang pagduso sa senior high program sa junior college para sa mga estudyante nga indi na luyag magpadayon pa sa kolehiyo.